Dijetari çifut që për qafoi islamin

Dijetari çifut që për qafoi islamin

Dijetari çifut që përqafoi islamin dhe një nga tabi'inët e dalluar. Quhet Ka'b ibën Mati' El Himjeri El Jemani dhe është me prejardhje çifute. Islamin e pranoi pas vdekjes së Muhammedit, sal-lall-llahu alejhi ve sel-lem, dhe u shpërngul në Medine gjatë hilafetit të Omerit, radijall-llahu anhu. Aty u takua me shokët e të Dërguarit, sal-lall-llahu alejhi ve sel-lem. Ishte një prej dijetarëve kolosë dhe i devotshëm. Islami si fe u bë pjesë e pandarë të jetës së tij. Kishte njohje të thellë mbi librat e çifutve dhe prirje për t'i dalluar të vërtetat nga gënjeshtrat. Është takuar me Omerin, Suhejbin, Ebu Hurejren, Mu'aviun, Ibën Abbasin, radijall-llahu anhum.

Shumicën e transmetimeve israilijate as'habët i kishin mësuar prej Ka'bit.

Thoshte: Të qaj nga frika prej All-llahut është më e dashur për mua se sa të jap lëmoshë ari aq sa e kam peshën.

Në kohën e Omerit, radijall-llahu anhu, ishte ushtar në ushtrinë që luftonte në Siri. Para tij për një ditë Islamin e pranuan 42 dijetarë çifutë të Bejtul Makdisit pasi që ua lexoi librin që muslimanët e gjetën në varrin e profetit Daniel në vendin e quajtur Sus. Në të shkruante: Ai që përpos Islamit kërkon fe tjetër nuk do t'i pranohet dhe në ahiret do të jetë prej të dështuarëve…

Njëri që e pranoi Islamin filloi të qaj dhe kur e pyetën për shkakun tha: Si të mos qan njeriu që gjithë këto vite ka qenë në humbje dhe sot mësoi për Islamin.

Këtyre çifutëve që e pranuan Islamin Mu'aviu, radijall-llahu anhu, u caktoi dhurata.

Dhehebiu kështu e përshkruante Ka'bul Ahbarin: Ishte thesar i dijës, ndërroi jetë në Homs pasi që ishte nisur për luftë në fund të hilafetit të Othmanit, radijall-llahu anhu

Transmetimet e tij i kanë shënuar Ebu Davudi, Nesaiu dhe Tirmidhiu.

All-llahu e mëshiroftë me mëshirën e tij të gjerë.


Talha Kurtishi,
2.12.2005